सुनको मूल्य सामान्य घट्यो

यादव हुमागाई
काठमाडौं २० मंसिर
स्थानीय बजारमा आइतबार उच्च मूल्यमा कारोबार भएको सुनको भाउँ सोमबार सामान्य घटेको छ । अन्तर्राष्ट्रिय बजारमा मूल्य घटेकाले स्थानीय बजारमा पनि त्यसको असर परेको नेपाल सुनचाँदी व्यवसायी संघले जनाएको छ । चाँदीको मूल्य भने बढेर हालसम्मकै उच्च रेकर्ड कायम राखेको छ ।
आइतबार प्रतिदश ग्राम ३४ हजार पाँच सय १० रुपैयाँ रहेकॊ सुनको मूल्य सोमबार ४५ रुपैयाँ घटेर प्रतिदश ग्राम ३४ हजार हजार चार सय ६५ रुपैयामा कारोबार भएको संघले जनाएको छ ।
त्यस्तै सोमबार चाँदीको मुल्य भने बढ्ने क्रम जारी छ । आइतबार प्रतिदश ग्राम ७ सय ११।५० रुपैयाँमा कारोबार भएको चाँदी सोमबार १३ रुपैयाँ बृद्वी भई प्रतिदश ग्राम सात सय २४।५० रुपैयाँमा कारोबार भएको छ । यो हालसम्मकै उच्च मूल्य कायम भएको संघले जनाएको छ ।