Saturday, July 23, 2011

सुनचाँदीको भाउमा उतारचढाव

काठमाडौं, ७ साउन

स्थानीय बजारमा यो साता सुनचाँदीको भाउमा उतारचढाव आएको छ । अन्तर्राष्ट्रिय बजारसँगै सुनको भाउले स्थानीय बजारमा पनि यो साता नयाँ रेकर्ड कायम गरेको छ ।

आइतबार प्रतितोला ४३ हजार ९ सय १४ रुपैयाँ रहेको सुनको भाउ क्रमशः बढ्दै मंगलबार ४४ हजार ३ सय रुपैयाँको रेकर्ड कायम गरेको छ । बुधबार सामान्य घटे पनि बिहीबार पुनः ४४ हजार २ सय रुपैयाँ पुगेको छ । शुक्रबार भने सुनको भाउ ४४ हजारबाट तल झरेको नेपाल सुनचाँदी व्यवसायी संघले जनाएको छ ।

अन्तर्राष्ट्रिय बजारमा सुनको भाउ प्रतिऔंस १ हजार ६ सय १० डलरको रेकर्ड कायम ग¥यो । शुक्रबार बेलुकीसम्म सुनको भाउ घटेर १ हजार ६ सय कायम भएको छ ।

यो साता चाँदीको भाउ पनि लगातार बढिरहेको छ । आइतबार प्रतितोला १ हजार १ सय रुपैयाँ रहेको सुनको भाउ क्रमशः बढ्दै बिहीबार १ हजार १ सय २४ पुग्यो । शुक्रबार भने सामान्य घटेर १ हजार १ सय ५ रुपैयाँमा कारोबार भएको छ ।

No comments: